woh ik shakhs jo kabhee tanhaa honay nahee daita...

woh ik shakhs jo kabhee tanhaa honay nahee daita
Hajoom-e-gham mein bhee kabhee khonay nahee daita




jis kay chehray kay aks say tham jaain ranj kee lehrain
woh dil kay samandar ko muhabbat say khaali honay nahee daita




khazaan mein bhee silsala hai pyaar kee baarishon kaa
Vaffaa kay mausamon ko woh kabhee badalnay nahee daita




ik dyaa sa jala rakha hai apnee rafaakat ka mairay dil mein

Shab-e-tanhaaee mein magar voh kabhee ronay nahee daita

farz karo ham ahl-e-wafaa hoN....by Ibna Insha

farz karo ham ahl-e-wafaa hoN, farz karo diivaane hoN
farz karo ye donoN baateN jhuuTii hoN afsaane hoN

farz karo ye jii kii biptaa jii se joR (?) sunaayii ho
farz karo abhii aur ho itnii aadhi ham ne chhupaayii ho

farz karo tumheN Khush karne ke dhuuNde ham ne bahaane hoN
farz karo ye nain tumhaare sach-much ke maiKhaane hoN

farz karo ye rog ho jhuuTaa jhuuTii peet hamaarii ho
farz karo is peet ke rog meN saaNs bhii ham pe bhaarii ho

farz karo ye jog-bijog kaa hamne Dhong rachaayaa ho
farz karo bas yahii haqiiqat baaqii sab kuch maayaa ho

Mujha sandal Karo do.....by Wasi Shah

apne ehsaas se chuu kar mujhe sandal kardo
main k sadiyoon se adhora hoon mukammal kardo

na tumein hosh rahe aur na mujhe hosh rahe
is qadar toot k chaho mujhe pagal kardo

tum hatheli ko mere pyaar k mehndi se rango
apni ankhon mein mere naam ka kajal kardo

iske saaye mein mere khawab dehak uthain gay
mere chehre pe chamakta howa anchal kardo

dhoop hi dhoop hoon main, toot k barso mujh par
is qadar barso meri rooh mein jal thal kardo

jaise sehraon mein har shaam hawa chalti hai
is tarha mujh mein chalo aur mujhe thal kardo

tum chupa lo dil mera oot mein apni dil ki
aur mujhe meri nigahoon se bhi ojhal kardo

masla hoon to nigahain na churao mujhse
apni chaahat se, tawaja se, mujhe hal kardo

apne gham se kaho har waqt mere saath rahe
eik ehsaan karo mujhpe isko mussal sal kardo

mujhpe cha jao kisi aag ki soorat jaana
aur meri zaat ko sukha howa jungle kardo